وتەبێژی پۆلیسی گەرمیان رایگەیاند، لە ساڵی 2022 لە سنووری گەرمیان 22 پیاو کوژراون و بەراورد بە ساڵی 2021 ژمارەکە رووی لە کەمبوونەوە کردووە.
عەلی جەمال قەدوری وتەبێژی پۆلیسی گەرمیان لە کۆنگرەیەکی رۆژنامەوانیدا رایگەیاند، ” لە ساڵی 2022 لە سنووری گەرمیان 22 پیاو کوژراون و بەراورد بە ساڵی 2021 ژمارەکە حەوت حاڵەت کەمیکردووە”.
ئاماژەی بەوەش کرد، “هەر لەو ساڵەدا 10 حاڵەتی خۆکوشتن و پێنج حاڵەتی کوشتنی بەهەڵە تۆمارکراون، هاوکات 369 حاڵەتی شەڕکردنمان هەبووە، جگە لەوەش یەک تاوانی دزینی ئۆتۆمبێل تۆمارکراوە، 603 حاڵەتی دزیکردنی جۆراوجۆریشمان هەبووە”.
ئاشکراشیکرد، “13 تاوانی رفاندنمان هەبووە، تاوانەکانی خراپبەکارهێنانی ئامێرەکانی پەیوەندی 195 حاڵەتمان هەبووە، 30 حاڵەتی ساختەکردن و تەزویرکردنمان هەبووە”.
