پۆلیسی ئاکرێ دەستگیرکردنی چوار کەسی راگەیاند کە تۆمەتبارن بە دزیکردن و دوای دەستگیرکردنیان دانیانناوە بە تاوانەکانیاندا.
لە راگەیەندراوێکدا بەڕێوەبەرایەتیی پۆلیسی ئاکرێ ئاشکرایکردووە، دوای تۆمارکردنی چەند حاڵەتێکی دزیکردن و ژمارەیەک هاوڵاتی سکاڵایان تۆمارکرد، چوار تۆمەتبار دەستگیرکران.
پۆلیسی ئاکرێ رایگەیاندووە، تۆمەتبارەکان دانیانناوە بەوەی هەستاون بە دزینی کێبڵی کارەبا، زێڕ، پارە، مۆبایل چەند پارچەیەک چەکی کڵاشینکۆف.
ئاماژە بەوەکراوە تۆمەتبارەکان دەستبەسەرکراون و لێکۆڵینەوە لەگەڵیاندا بەردەوامە.
