ژنێکی عێراقی کە کاری جادووگەری و نوشتەی کردووە لەلایەن هێزە ئەمنییەکانەوە دەستگیرکراوە و دەستبەسەر کەرەستەکانیشیدا گیراوە.
لە دەروازەیەکی سنووریی نێوان عێراق – کوەیت هێزە ئەمنییەکان ژنێکیان دەستگیرکردووە کە کەرەستەی نوشتە و جادووگەریی پێبووە، دوای لێکۆڵینەوەش دانیناوە بەوەی کە ئەو کارە دەکات.
بەپێی راگەیەندراوی گومرگی عەبدلی، ئەو ژنە لەلایەن هێزە ئەمنییەکانی دەروازەکەوە گومانی لێکراوە و پشکنینی پێویستی بۆ کراوە، دەرکەوتووە کە کۆمەڵێک کەرەستەی نوشتە و جادووگەریی قەدەغەکراوی پێبووە.
ئاماژە بەوەشکراوە کە لەکاتی لێپرسینەوەیدا دانیناوە بەوەی کە خۆی کەرەستەکان بەکاردەهێنێت، ژنەکە و کەرەستەکانیش رادەستی لایەنی پەیوەندیدار کراون.
