پۆلیسی سلێمانی رایگەیاند کە تۆمەتبارێکیان دەستگیرکردووە فێڵی لە کچێک کردووە و 15 ملیۆن و 500 هەزار دیناری لێسەندووە.
بەپێی راگەیەندراوی پۆلیسی سلێمانی، كچێك سكاڵای لەسەر تۆمەتبارێك تۆماركردووە كە بە فێڵ پارەی لێوەرگرتووە کە ئەو کەسەی لەڕێگەی تۆڕە كۆمەڵایەتییەكانەوە ناسیوە.
ئاماژە بەوەکراوە، دوای بەدواداچوونەكان توانرا لەماوەی كەمتر لە 24 کاتژمێردا تۆمەتبار لە شاری هەولێرەوە بهێنرێتە سلێمانی و لەلایەن بنكەی پۆلیسی ڕزگارییەوە دەستگیربكرێت.
پۆلیسی سلێمانی دەڵێت، لە کاتی دەستگیرکردنی تۆمەتبارەکەدا دەستیانگرتووە بەسەر بڕێک لە پارەکەدا.
تۆمەتبارەکە ناوی (م، ف، ع)ـە لەدایكبووی 2003یە، دانیشتووی هەولێر-سەیدئاوایە.
