لە شاری سلێمانی مەڵبەندی تەندروستیی چاکسازیی ژنان و منداڵان کرایەوە، بەڕێوەبەری گشتیی تەندروستیی سلێمانی ئاشکرایکرد، بەندکراوان شایستەی ئەوەن خزمەتگوزاریی تەندروستیی باشتریان پێشکەشبکرێت.
بەپێی راگەیەندراوی تەندروستیی سلێمانی، مەڵبەندەکە لەلایەن وەزارەتی کار و کاروباری کۆمەڵایەتییەوە کراوەتەوە و تەندروستیی سلێمانی ئەرکی بەڕێوەبردن و سەرپەرشتیکردنی لە ئەستۆ دەگرێت.
دکتۆر سەباح هەورامی بەڕێوەبەری گشتیی تەندروستیی سلێمانی رایگەیاند، لەو مەڵبەندە تەندروستییە بەندكراوان خزمەتگوزاریی تەندروستی و چارەسەری شایستەتر و زیاتریان پێشکەش دەكرێت.
باسی لەوەشکرد کە كۆمەڵێك كەموكوڕییان هەیە وەك كەمی كارمەندی تەندروستی و داوایکرد ئەو كەموكوڕییانە چارەسەربكرێن بۆئەوەی بتوانن خزمەتی زیاتر پێشکەش بكەن.
