بەڕێوەبەرایەتیی پەروەردەی شارباژێر روونكردنەوە لەبارەی دەوامی ناوەندەكانی خوێندن لە سنوورەكە بەهۆی ناجێگیریی كەشوهەواوە دەدات و رایدەگەیەنێت، “هەركات پێویست بكات لە پێناو سەلامەتیی گیانی خوێندكاران، مامۆستایان و فەرمانبەران دەوام رادەگرین”.
بەپێی راگەیەندراوێكی بەڕێوەبەرایەتیی پەروەردەی شارباژێر كە وێنەیەكی دەست تۆڕی میدیایی ئێستا كەوتووە و تێیدا هاتووە، بەهۆی ناجێگیریی كەشوهەوا و دروستبوونی گرفت و ئاستەنگی بۆ هاتوچۆی مامۆستایان و خوێندكاران و دەوامی ناوەندەكانی خوێندن، بە پێویستی دەزانین هەموو لایەك ئاگادار بكەین كە هەر كاتێك پێویست بكات دەوام رادەگرین.
راشیگەیاند، لەگەڵ قائیمقامی شارباژێڕ لەسەر هێڵین و بۆ هەر بارودۆخێك پێویست بكات بە زوویی بڕیاری لەبارەوە دەدرێت، بۆیە پێویست بە دڵەڕاوكێ و نیگەرانی ناكات.
