گرنگە لەکاتی خواردندا چاودێریی منداڵەکانمان بکەین، لەپێناو دووربوون لە گیرانی خۆراکەکە لە قوڕگیان کە هۆکارێکی سەرەکیی خنکانە لە منداڵاندا.
لەوبارەیەوە نیکی جۆرکۆتز شارەزای فریاگوزارییە سەرەتاییەکان ئاشکرایدەکات، خواردن بەشێوەی هەڵە یەکێکە لە سەرەکیترین هۆکارەکانی خنکان لە منداڵاندا.
جەختیکردووەتەوە کە نابێت خۆراک هاوشێوەی بازنەیی و پارچجەی بچووک ئامادەبکرێت بۆ منداڵ بەڵکو بە درێژی ئامادەبکرێت سەلامەتتر دەبێت.
دەستەی خزمەتگوزاریی تەندروستیی بەریتانیا “NHS” لەبارەی چەرەسەرکردنی حاڵەتەکانی گیرانی خواردن لە قوڕگی منداڵ دەڵێت، ئەگەر دۆخێکی لەوجۆرەت بینی هەوڵبدە بە چاو بیبینی کە چی لە دەمیدایە نەک دەست لێدانی چونکە ئەوە زیاتر پاڵیدەنێت.
ئەگەر منداڵەکە هێڵنجیدا زیاتر هەوڵبدە هێڵنجەکانی زیادبکات چونکە ئەوە یارمەتیی دەدات تەنەکە لە قوڕگی بێتەدەرەوە.
ئەگەر هێڵنجی نەدا و بێدەنگبوو تەنانەت هەناسەدانی زۆر قورسبوو بەخێرایی داوای فریاگوزاری بکە.
