لە دیمەنێکی ترسێنەردا، ڕێگای بیابانی کە عەممانی پایتەختی ئوردن و پارێزگاکانی باشووری ئوردن بەیەکەوە دەبەستێتەوە، گۆڕاوە بۆ لافاوێکی زۆر و هەموو شتێکی لە ڕێگاکەیدا راگواستووە.
سەرەڕای هۆشدارییەکانی بەشی کەشناسی کە پێویستە وریایی هەبێت لەلایەن هاوڵاتییانەوە، هەروەها لە مەترسی ئاوبردن لەسەر ڕێگاکان لەو ناوچانەی کە بارانی زۆریان لێباریوە، پاسێکی نەفەرهەڵگر خۆیدەدات لە مەترسییەکە و ڕێگاکەی بڕیوە، ئەمەش بووە هۆی وەرگەڕانی و ناچاربوونی سەرنشینەکان بۆ ئەوەی بچنە سەر پاسەکە تاوەکو خۆیان لە خنکان بپارێزن.
وتەبێژی بەرێوەبەرایەتی ئاسایشی گشتیی ئوردن ڕایگەیاند، ڕێگای بیابانی بەهەردوو ئاراستە لە ناوچەی زومەیلە لە باشووری عەممان پچڕاوە ئەگەری هەیە دوای چەند کاتژمێرێک بکرێتەوە کە بەهۆی بارانبارینی بەخوڕەوە داخراوە.
بەڕێوەبەرایەتیی ئاسایشی گشتی داوا لە هەموو لایەک دەکات لە ئێستادا ڕێگای زومایلا بەکارنەهێنن، پابەندبن بە ڕێنماییەکانی کەشناسیی وڵاتەکەوە لەبەر بارانی بەخووڕ و لافاو.
