چەند ڕێكخراوێكی نێودەوڵەتی یاداشتێك ئاڕاستەی حكومەتی عێراق و هەرێم دەكەن

هەشت ڕێكخراوی نێودەوڵەتی و ناوخۆیی لە عێراق داوا دەكەن، حكومەت لێكۆڵینەوە لە دەستگیركردنی چالاكوانان بكات و سەرجەم ئەو كەسانە ئازاد بكرێن كە لە خۆپیشاندانەكانی 2019ەوە دەستگیركراون.

هاوكاتی ڕۆژی جیهانیی مافی مرۆڤ ئەمڕۆ پێنجشەممە 10ی كانونی یەكەم، ڕێكخراوی لێبوردنی نێودەوڵەتی یاداشتنامەی هەشت ڕێكخراوی نێودەوڵەتی و ناوخۆیی عێراقی بڵاوكردووەتەوە، تیایدا داوا لە حكومەتی عێراق دەكەن لێكۆڵینەوەیەكی دادپەروەرانە و گشتگیر بكرێت لە حاڵەتەكانی دەستگیركردنی ئەو چالاكوانانەی لە خۆپیشاندانەكانی تشرینی یەكەمی ساڵی 2019ەوە تا ئێستا دەستگیركراون و ئازاد بكرێن.

لە یاداشتنامەكەی ئەو هەشت ڕێكخراوەدا كە ڕێكخراوی لێبوردنی نێودەوڵەتیشیان تێدایە داوای ئەوەشكراوە، لێكۆڵینەوە لە كوشتنی دەیان چالاكوان و ڕۆژنامەنوس و پارێزەری عێراقی بكرێت كە لە خۆپیشاندانەكاندا كوژراون.

ئەو ڕێكخراوانە لە یاداشتەكەیاندا باسیان لەوەشكردووە، هەردوو حكومەتی عێراق و هەرێم پابەندی ئەو بەڵێنانەیان نەبوون كە داویانە بۆ ئەوەی بە یاسا نێودەوڵەتی و عێراقییەكان، ئەو كەسانەی تاوانیان دژ بە ڕۆژنامەنوسان و چالاكوانان ئەنجامداوە ڕوبەڕووی یاسا بكەنەوە.

بابەتی پێشتر

ڕۆسی کێیە؟ ئەفسانەی ئیتاڵیا و پاڵەوانی مۆندیالی 82 کۆچی دواییکرد

بابەتی دواتر

نەتەوەیەكگرتووەكان: جیهان بەرەو گۆڕانێكی قورسی ئاووهەوا هەنگاودەنێت

بابەتی پەیوەندیدار
زیاتر ببینە

بافڵ تاڵەبانی: ڕێگەنادەین لە پرۆسەی یەكگرتنەوەی هێزەكانی پێشمەرگەدا بەرژەوەندی حزبی زاڵبکرێت

ھاوسەرۆکی یەکێتی ڕایدەگەیەنێت، ڕێگەنادەن لە پرۆسەی یەكگرتنەوەی هێزەكانی پێشمەرگەدا بەرژەوەندی حزبی زاڵبکرێت و دەبێت لە یەکگرتنەوەیان بنەماکانی یەکسانی،…
Total
0
Share