بەپێی یاسا منداڵان نابێت بچنە یانە شەوانەکان و کافتریاکان و نابێت هیچ یەکێک لە جگەرە، نێرگەلە و خواردنەوە کهولییەکانیان پێبفرۆشرێت، لە شەوی رابردووەوە پۆلیس بەدوای منداڵێکدا دەگەڕێت کە لە گرتەڤیدیۆیی یانەیەکی شەوانەدا دەرکەوتووە.
بەڕێوەبەری پۆلیسی کۆمەڵگەیی عێراق نووسینێکی بڵاوکردووەتەوە و داوایکردووە ناوی ئەو منداڵە و زانیارییان لەبارەیەوە پێبدرێت کە لە ڤیدیۆی یانەیەکی شەوانەدا لە بەغداد دەرکەوتووە.
ئەو بەرپرسە عێراقییە لە نووسینێکدا کە لە تۆڕی کۆمەڵایەتیی فەیسبوک بڵاویکردووەتەوەە، هەروەها داوادەکات هەرکەسێک زانیاریی لەسەر ناو و شوێنی ئەو یانە شەوانەیە هەیە پێیانبدات، داواش دەکات زانیارییان لەبارەی منداڵەکە و یانەکە پێبدەن.
