بەپێی پێشبینییەكان بۆ ماوەی 10 رۆژ باران و بەفربارین لە هەرێمی کوردستان بەردەوام دەبێت و كەشناسیی هەرێم، لەبارەی كەشوهەوای ئەمڕۆ و سبەینێوە روونكردنەوە دەدات.
بەپێی پێشبینییەکان، ئەمڕۆ دووشەممە ئاسمان ساماڵ و پەڵەهەور دەبێت و پلەکانی گەرما هاوشێوەی دوێنێ دەبێت.
کەشناسی ئاماژەی بەوە کردووە سبەینێ سێشەممە کەشوهەوا هاوشێوەی ئەمڕۆ دەبێت.
دوێنێ دەستەی کەشناسیی عێراق رایگەیاند، لە رۆژی چوارشەممەوە باران و بەفر بارین لە هەرێمی کوردستان دەستپێدەکات، پلەکانی گەرما نزمدەبنەوە.
بەپێی ماڵپەڕی جیهانیی ئەی سی سی وێزەریش لە رۆژی چوارشەممەوە بۆ ماوەی 10 رۆژ بارانبارین و لە هەندێک ناوچەش بەفر بارین لە هەرێمی کوردستان بەردەوام دەبێت.
