پۆلیسی دارستانی سلێمانی رایگەیاند سێ کەسیان دەستگیرکردووە کە تۆمەتباربوون بە راوکردن و دەستیشگیراوە بەسەر کەلوپەلەکانیاندا.
لە راگەیەندراوی بەڕێوەبەرایەتیی پۆلیسی دارستانی سلێمانیدا هاتووە، “لەئەنجامی دەرچوونی مەفرەزەیەکی بنکەی پۆلیسی دارستانی ئاغجەلەر بۆ گوندی ( باوەفەتێ ) سێ هاوڵاتی بە تۆمەتی راوکردنی باڵندەی کێوی دەستگیرکران”
ئاماژە بەوەشکراوە کە لەکاتی دەستگیرکردنیاندا دەستیانگرتووە بەسەر چوار لایت، سێ چەقۆ و تۆڕێکی راوکردنی باڵندە، هەروەها دەستگیرا بەسەر نۆ باڵندەی ڕاوکراودا .
پەڕاوی لێکۆڵینەوە بۆ تۆمەتبارەکان کراوەتەوە و رادەستی دادوەر کراوە بۆ وەرگرتنی ڕێکاری یاسایی.
