دوانیوەڕۆی ئەمڕۆ بەهۆی غازی زۆپاوە منداڵێک لە ناحیەی عەربەت خنکاوە، ئەوەش دوای ئەوەی دایکی لەبەردەم زۆپاکەدا جێیهێشتبوو.
دابان محەمەد، بەڕێوەبەری ناحیەی عەربەت بۆ تۆڕی میدیایی ئێستا ڕووداوەکەی پشتڕاستکردەوە و ڕایگەیاند، “هۆکاری مردنەکە بەهۆی غازی زۆپاوە بووە”.
منداڵەکە تەمەنی ساڵ و نیوێکە و دایکی لەبەردەم زۆپای غازدا دایناوە بۆ ئەوەی سەرمای نەبێت، بەڵام ئاگر لە زۆپاکەدا نەماوە و غازەکە بڵاوبووەتەوە، بەهۆیەوە منداڵەکە مردووە.
