بڕیارە سبەینێ دووشەممە ئەندامانی نوێی ئەنجومەنی پارێزگای کەرکوک لەبەردەم دادوەری دادگای تێهەڵچوونەوەی پارێزگاکە سوێندی یاسایی بخۆن.
د ئەحمەد کەرکوکی ئەندامی هەڵبژێردراوی ئەنجومەنی پارێزگای کەرکوک رایگەیاند، لەسەر بڕیاری ئەنجومەنی دادوەری سبەینێ دووشەممە سەرجەم کاندیدە سەرکەوتووەکانی هەڵبژاردنی ئەنجومەنی پارێزگای کەرکوک لە دادگای تێهەڵچوونەوە سوێندنی یاسایی دەخۆن.
ئاماژەی بەوەشکرد، تا رێکەوتی 8 ی شوبات چاوەڕێی پارێزگاری ئێستای کەرکوک دەکەین کە یەکەم کۆبوونەوەی ئەنجومەنەکە سازبکات، گەر نەیکرد لەدوای ئەوە لە ماوەی یاسایی خۆیدا رۆژێک دەستنیشاندەکەین و یەکەم کۆبوونەوەی خۆمان سازدەکەین.
