دەستەی کەشناسیی عێراق رایگەیاند، لەم هەفتەیەدا بەفر و باران لە هەرێمی کوردستان دەبارێت، کەشناسیی هەرێمی کوردستانیش دەڵێت، ئەمڕۆ و سبەینێ ئاسمان ساماڵ دەبێت.
بەپێی پێشبینییەکانی کەشناسیی هەرێمی کوردستان ئەمڕۆ یەکشەممە ئاسمان ساماڵ و پەڵەهەور دەبێت، پلەکانی گەرما نزمتردەبنەوە.
هەروەها سبەینێ دووشەممە ئاسمان ساماڵ و پەڵەهەور و لە هەندێک ناوچە نیمچەهەور دەبێت.
دەستەی کەشناسیی عێراق پێشبینییەکانی بۆ رۆژی چوارشەممە بڵاوکردووەتەوە و بەوپێیە، لە هەرێمی کوردستان ئاسمان هەوری تەواو دەبێت و باران دەبارێت، هەروەها لە هەندێک ناوچە بەتایبەت ناوچە شاخاوییەکان بەفر دەبارێت.
