ئێوارەی ئەمڕۆ ئۆتۆمبێلێک لە بەردەم نەخۆشخانەی منداڵبوونی هەولێر ئاگری گرت و هیچ زیانێکی گیانیی بە دواوە نەبوو.
پەیامنێری تۆڕی میدیایی ئێستا گواستییەوە، “ئێوارەی ئەمڕۆ ئۆتۆمبێلێکی جۆری تاکسی لە بەردەم نەخۆشخانەی منداڵبوون لە شاری هەولێر ئاگری گرتووە”.
وتیشی، “ئاگرەکە بەهۆی تەقینی تانکی غازی ئۆتۆمبێلەکەوە بووە، جگە لە زیانی ماددی هیچ زیانێکی گیانی بەدواوە نەبووە”.
ئاشکراشیکرد، “ئاگرەکە لە ئێستادا کۆنتڕۆڵکراوە، لێکۆڵینەوەکانیش لە رووداوەکە بەردەوامە”.
