حکومەتی هەرێم 10 زیندانی ڕادەستی ئێران کردەوە

کاتی واژۆکردنی ڕێککەوتننامەکە

حکومەتی هەرێمی کوردستان لە چوارچێوەی هەماهەنگیی گۆڕینەوەی زیندانیاندا لەگەڵ ‏کۆماری ئیسلامیی ئێران، 10 زیندانی ڕادەستی ئەو وڵاتە کردەوە.‏

قۆناغی چوارەمی گۆڕینەوەی زیندانیان لەنێوان هەرێم و ئێران لە دەروازەی سنووری ‏حاجی ئۆمەرانەوە بەڕێوەچوو و تێیدا بەرپرسانی هەرێم و ئێران پرۆسەی ڕادەستکردنی ‏ئەو 10 زیندانییەیان واژوو کرد.‏

پرۆسەی واژووکردنی ڕێکكەوتنەکە لەنێوان ھەردوو نوێنەری وەزارەتی کار و ‏کاروباری کۆمەڵایەتیی حکومەتی هەرێمی کوردستان و نوێنەری وەزارەتی دادی ‏کۆماری ئیسلامیی ئێران بەرێوەچوو و دواتریش سزادراوان ڕادەستی نوێنەری وەزارەتی ‏دادی ئێران کران.‏

لە کاتی واژووکردنی پرۆسەکەدا، ئەحمەد نەجمەدین، بەڕێوەبەری گشتیی چاكسازیی ‏كۆمەڵایەتی ڕایگەیاندووە، “ئاڵوگۆڕكردنی زیندانیان لەنێوان حكومەتی هەرێمی ‏كوردستان و كۆماری ئیسلامی ئێران بەپێی رێككەوتنێكە كە لەنێوان كۆماری عێراقی ‏فیدراڵ و كۆماری ئیسلامیی ئێران پاڵپشت بەیاسای ژمارە (6)ی ئەنجومەنی نوێنەرانی ‏عێراق، كە لەساڵی (2014)دا دەرچووە، پاڵپشت بەم یاسایە ڕێككەوتن لەنێوان حكومەتی ‏هەرێمی كوردستان و كۆماری ئیسلامیی ئێران كراوە بۆ ئاڵوگۆڕکردنی زیندانیان“.‏

بابەتی پێشتر

لە ڕووداوێكی هاتوچۆدا سێ برا گیانیان لەدەستدا

بابەتی دواتر

زیاتر لە 30 ئەندامی کۆنگرێس هۆشداری دەدەنە بایدن لە گەڕانەوەی بۆ ڕێککەوتنی ئەتۆمی

بابەتی پەیوەندیدار
Total
0
Share