پێنج خۆراکی سەرەکی کە بەرگریی لاواز دەکەن و هەوکردن زیاد دەکەن

خواردنە زیانبەخشەکان و شێوازی ژیانی نا تەندروست لە هۆکارە سەرەکییەکانی تووشبوونن بە هەوکردن کە دەبێتەهۆی لاوازبوونی بەرگریی جەستە.

بۆ رووبەڕووبوونەوەی لاوازیی بەرگریی لەش و کەمکردنەوەی هەوکردن، توێژینەوە پزیشکییەکان ژمارەیەک خۆراکییان دەستنیشانکردووە کە دەبێت دوورکەوینەوە لە خواردنیان.

شەکر:

بەپێی توێژینەوەیەک کە زانکۆی هارڤارد ئەنجامیداوە، بەکارهێنانی بڕێکی زۆر لە شەکر دەبێتەهۆی بەرزبوونەوەی فشاری خوێن و دروستبوونی هەوکردنی درێژخایەن کە هۆکارە بۆ زۆر جۆر نەخۆشی.

خوێ:

توێژینەوەیەک کە لە گۆڤاری زانستیی “پزیشکیی منداڵان”دا بڵاوکراوەتەوە دەریدەخات، زۆر بەکارهێنانی خوێ لە خواردنەکاندا کاریگەریی نەرێنی دەکاتە سەر کۆئەندامی بەرگری و دەبێتەهۆی بڵاوبوونەوەی هەوکردن لە جەستەدا.

بەتایبەت ئەوانەی کێشەی بەرزبوونەوەی فشاری خوێن و کێشەکانی دڵیان هەیە، رووبەڕووی هەوکردنێکی زیاتر دەبنەوە.

بۆیە پسپۆڕان ئاگادارمان دەکەنەوە کە رۆژانە دەبێت تەنها یەک کەوچکی بچوک خوێ بخورێت.

گۆشتی سوور:

توێژینەوەیەکی گۆڤاری “خۆراکی تەندروست” باسی لەوەکردووە، گۆشتی سوور یەکیکە لە گەورەترین هۆکارەکانی کێشەکانی دڵ و بەرزبوونەوەی رێژەی کۆلیسترۆڵ لە جەستەدا و هۆکارە بۆ ژمارەیەک لە نەخۆشییە درێژخایەنەکان کە سەرجەمیان بەهۆی هەوکردنەوەن.

خواردنە دەستکردەکان:

خواردنە دروستکراوەکانی وەک پسکیت، چۆکلاتە، پیتزا رێژەی کۆلیسترۆڵ بەرزدەکەنەوە و ئەگەری هەوکردن بەڕێژەیەکی بەرچاو زیاتر دەبێت.

خواردنەوە کحولییەکان:

بەپێی توێژینەوەکان خواردنەوە کحولییەکان هۆکاری سەرەکیی هەوکردنی ریخۆڵەکانن کە دەبێتە سەرچاوە بۆ لاوازبوونی بەرگریی جەستە.

بابەتی پێشتر

کارمەندانی تەندروستیی کەرکوک خۆپیشاندان دەكەن

بابەتی دواتر

کەشناسی: باران دەبارێت

بابەتی پەیوەندیدار
Total
0
Share