هاتوچۆی گەرمیان ڕایگەیاند، بەهۆی وەرگەڕانی ئۆتۆمبێلێكی جۆری “جێب واز”ەوە، 12 كەس بریندار بوون كە ژن و منداڵیان تێدایە.
لە ڕاگەیەندراوێكدا بەڕێوبەرایەتیی هاتوچۆی گەرمیان ڕایگەیاند، “نیوەڕۆی ئەمڕۆ چوارشەممە 9ی كانونی یەكەم، بەهۆی وەرگەڕانی جێب وازێک لە سنووری ناحیەی باوەنور لە نزیک گوندی پارێوڵا 12 کەس برینداربوون کە چەند بریندارێکیان منداڵ و ئافرەتن”.
هاتوچۆی گەرمیان ئەوەشی ئاشكراكردووە، “بریندارەکان بە مەبەستی چارەسەرکردن گواستراونەتەوە بۆ نەخۆشخانەی شەهید مەلا ئەحمەد لە ناحیەی باوەنور، بەهۆی سەختی برینەکەشیانەوە سێ لە بریندارەکان ڕەوانەی نەخۆشانەکانی سلێمانی کران”.
