بەڕێوەبەرایەتیی گشتیی کارەبای سلێمانی رایگەیاند، گۆرانکارییان لە بەرنامەی کاری مۆلیدەکاندا کردووە و لە سبەینێوە جێبەجێ دەکرێت.
بەپێی راگەیەندراوی کارەبای سلێمانی، “دوای تەواوبونی تاقیکردنەوەکان وەرزی یەکەم و دەستێکردنی پشوەکانی سەری ساڵ لە سبەینێ یەکشەممە 25/12/2022 بەرنامەى کارکردنى موەلیدە ئەهلییەکان گۆڕانکاری تێدا دەکرێت”.
بەپێی بەرنامەی نوێی مۆلیدەکان، هیچ مۆلیدەیەک نابێت بەیانیان کاریپێبکرێت، کارکردنی مۆلیدەکان لە کاتژمێر 11:00ی پێشنیوەڕۆوە دەستپێدەکات بۆ کاتژمێر 1:00ی شەو.
ئاماژە بەوەکراوە، هەر کاتێک کارەبای نیشتمانی کوژایەوە دەبێت لەو ماوەیەدا مۆلیدە ئەهلییەکان کارەبا دابینبکەن.
