بەهۆی ئەو شەپۆلی بەفربارینەی ویلایەتە یەكگرتووەكانی ئەمریكای گرتووەتەوە زیاتر لە 5.4 هەزار گەشتی ئاسمانی هەڵوەشێندرانەوە، 9 كەسیش بە رووداوی جۆراوجۆر گیانیان لەدەستدا.
بەپێی میدیاكانی ئەو وڵاتە قوربانییەكان زۆرینەیان بەهۆی رووداوەكانی هاتوچۆوە بوون كە لە ئاكامی دۆخی ناجێگیری كەشوهەواوە لە ویلایەتەكانی ئۆهایۆ، كنتاكی، میسوری و كانساس روویانداوە.
هەروەك ئاشكرایانكرد، دوێنێ زیاتر لە 5.4 هەزار گەشتی ئاسمانی لە ویلایەتە یەكگرتووەكان رەتكراونەتەوە بەهۆی دۆخی كەشوهەواوە.
جگە لەوەی كارەبا لە زیاتر لە 590 هەزار ماڵ و كارگە بڕاوە و لە چەند ویلایەتێكیش باری لەناكاو راگەیەندراوە.
