بەشێك لەو خاوەن پێداویستییە تایبەتانەی مووچەكانیان راگیرابوون، دووبارە مووچەیان بۆ خەرجدەكرێت.
بەپێی بڕیارێکی وەزارەتی دارایی و ئابوریی هەرێمی كوردستان، ئەو خاوەن پێداویستییە تایبەتانەی بەهۆی بوونی زیاتر لە مووچەیەكەوە، مووچەی خاوەن پێداویستیی تایبەتییان راگیرابوون، جارێكی دیكە مووچەكانیان پێدەدرێن.
لە نووسراوی بڕیارەكەدا هاتووە، “بڕیاردرا بە بەردەوامبوونی پێدانی کۆمەکی 193 خاوەن پێداویستیی تایبەت کە لە هەمان کاتدا مووچەی میراتگری خانەنشینی وەردەگرن.”
ئاماژەی بۆ ئەوەش كردووە كە مەرجە بۆ گەڕاندنەوەی مووچەی ئەو كەسانە، “راپۆرتی نوێی پزیشکییان هەبێت و مەرجەکانیان تیادا بێت و پێشتر مووچەی کەمئەندامییان وەرگرتبێت”.
