بەڕێوەبەرایەتیی هاتوچۆی گەرمیان بڵاویکردەوە، بەیانی ئەمڕۆ لە ئەنجامی رووداوێکی هاتوچۆ دوو ماتۆڕسوار برینداربوون.
بەڕێوەبەرایەتی هاتوچۆی گەرمیان ئەمڕۆ چوارشەممە بڵاویکردەوە، “کەمێک پێش ئێستا بەهۆی پێکدادانی ئۆتۆمبێلێکی جۆری جێب لاریدۆ و ماتۆڕسکیلێک لە نزیک قوتابخانەی شەهید ئارام لەناو شاری کەلار دووکەس برینداربوون کە لێخوڕ و سەرنشینی ماتۆڕسکیلەکەبوون و رەوانەی نەخۆشخانە کران”.
ئاماژەی بەوەش کرد، “بەپێی زانیارییە سەرەتاییەکان لێخوڕی ماتۆڕسکیلەکە بێمۆڵەتە و بە ئاراستەی پێچەوانە هاتووە ئۆتۆمبێلی جۆری جێب لاریدۆ لە رێگای لاوەکیەوە هاتووەتە سەر رێگای سەرەکی و رووداوەکە روویداوە”.
ئاماژەی بەوەشکرد، ” لەلایەن تیمی هاتووچۆوە لێکۆڵینەوە لە رووداوەکە دەستی پێکردووە”.
