روانگەی سوری بۆ مافەکانی مرۆڤ کوژرانی دوو کەسی لە ئەنجامی بۆردومانەکانی ئیسرائیل لە نزیک فڕۆکەخانەی دیمەش و دەوروبەری دیمەشق راگەیاند.
روانگەی سوری بۆ مافەکانی مرۆڤ بڵاویکردەوە، “بەرەبەیانی ئەمڕۆ سێشەممە ئیسرائیل لە رێگەی چەند مووشەکێکەوە چەک و مەوادە لۆجستییەکانی سەر بە حیزبوڵای لوبنانی لە کێڵگەیەکەدا لە نزیک دیمەشق کردووەتەوە ئامانج و شوێنەکەی بە تەواوی خاپوور کردووە هاوکات ژمارەیەک کوژراویشی لێکەوتووەتەوە”.
لای خۆیەوە ئاژانسی هەواڵی فەرمی سوریا(سانا) بڵاویکردەوە، “سیستەمی بەرگری ئاسمانی سوریا وەڵامی هێرشە مووشەکییەکەیان داوەتەوە و چەند دانەیەکیان خستوونەتە خوارەوە”.
بۆردومانکردنی سوریا لە لایەن ئیسرائیلەوە هاوکاتە لەگەڵ گەیشتنی کاروانێکی هاوکاری سەربازی ئێرانی بە فڕۆکەخانەی دیمەشق.
