وەزارەتی بەرگریی ئازەربایجان، ئەمڕۆ یەکشەممە 11ی تشرینی یەکەم ڕایگەیاند کە ئەرمینیا شاری کنجەی بۆردومان کردووە کە دووەم گەورەترین شاری کۆماری ئازەربایجانە.
لەلایەکی دیکەوە، نوێنەرایەتیی گشتیی ئازەربایجان ئاشکرایکرد، لە ئەنجامی ئەو بۆردومانەی ئەرمینیا بۆ سەر شاری کنجە، پێنج کەس کوژران و 28 کەسی دیکەش برینداربوون.
نوێنەرایەتیی گشتی ئاماژەی بۆ ئەوەشکردووە، هێرشە موشەکییەکە لە دەوروربەری کاتژمێر 2:00ی بەرەبەیان بە کاتی ناوخۆی ئازەربایجان ئەنجامدراوە، لەکاتێکدا ماوەیەکی زۆر لە نێوان شاری کنجە و بەرەکانی شەڕ هەیە، لەگەڵ ئەوەی هێرشەکە هاوڵاتییانی سڤیلی کردووەتە قوربانی و سەرجەم باڵەخانە و خانووەکانی ئەو ناوچەیەی خاپوور کردووە.
بەڵام شوشان ستیبانیان، سکرتێری ڕاگەیاندنی وەزارەتی بەرگریی ئەرمینیا، ڕەتیکردەوە وڵاتەکەی بۆردومانی شاری کنجەی کردبێت و دەڵێت، “ئەو لێدوانانە دوورن لە ڕاستییەوە”.
ئەمە لەکاتێکدایە، لهبارهی پێكدادانهكان له ناوچهی شاخاوی قهرهباغ كه لەژێر دەسەڵاتی ئەرمینیادایە له سهر بانگێشتی سهرۆكی ڕوسیا، ڤلادیمیر پوتن و به نێوهندگیریی وهزیری دهرهوهی روسیا، سێرگی لاڤرۆڤ وهزیری دهرهوهی ئازهربایجان، جهیهون بایرامۆڤ و وهزیری دهرهوهی ئهرمینیا، زۆهراب مناتساكانیان لەمیانی كۆبوونهوهی ڕاوێژكاریدا له مۆسكۆ كۆبوونهوه، له كۆبوونهوهكهدا كه زیاتر له 10 كاتژمێری خایاند بڕیار درا بهمهبهستی ڕادهستكردنهوهی تهرمهكان و گۆڕینهوهی دیلهكانیان له كاتژمێر 12:00ی شەوی ڕابردووهوه ئاگربهستیش له ناوچهی شاخاوی قهرهباغ ڕابگهیهنن.
