لە رووداوێكی هاتوچۆدا لە گەرمیان شۆفێرێك گیانیلەدەستدا هاتوچۆی ناوچەكە دەڵێت، لەكاتی پێچكردنەوەدا كۆنتڕۆڵی لەدەستداوە.
بەڕێوەبەرایەتیی هاتوچۆی گەرمیان رایگەیاند، ئێوارە ئەمڕۆ لە رێگای نێوان کەلار-رزگاری شۆفێری ئۆتۆمبیلێک لە جۆری (کیا سیراتۆ) لە کاتی پێچکردنەوەدا کۆنتڕۆڵی لەدەستدا و ئۆتۆمبیلەکەی کێشا بە ستونی رووناکی شەقامەکەدا.
بەهۆی رووداوەكەوە شۆفێری ئۆتۆمبێلەكە برینداربوو و بۆ وەرگرتنی چارەسەری پێویست رەوانەی نەخۆشخانەی فریاکەوتنی شەهید هەژار کرا، بەڵام بەهۆی سەختی برینەکەیەوە گیانیلەدەستدا، وەك ئەوەی هاتوچۆی گەرمیان ئاماژەی پێداوە.
دەشڵێت، تیمی هاتوچۆ لێکۆڵینەوەیان لە رووداوەکە دەستپێکردوە.
