ئەندامێكی لیژنەی دارایی لە ئەنجومەنی نوێنەرانی عێراق رایدەگەیەنێت، هەوڵەكانمان بۆ چارەسەركردنی كێشەی مووچەی فەرمانبەرانی هەرێم بەردەوامە و دەبێت مووچەی فەرمانبەرانی هەرێم هاوشێوەی فەرمانبەرانی عێراق دابەشبكرێت.
د. نەرمین مەعروف ئەندامی لیژنەی دارایی ئەنجومەنی نوێنەرانی عێراق رایگەیاند، ئەمڕۆ سێشەممە لە پەرلەمان كە هاوكات لەگەڵ هەوڵە بەردەوامەكانی دیكەمان بۆ چارەسەركردنی كێشەی مووچەی فەرمانبەرانی هەرێم واژوومان كۆكردەوە بۆ بەپەلە چارەسەركردنی كێشەی مووچەی مووچەخۆرانی هەرێمی كوردستان.
راشیگەیاند، دەبێت مووچەی فەرمانبەرانی هەرێم هاوشێوەی فەرمانبەرانی عێراق پشتبەست بە ماددەی 14ی دەستوور كە مافی یەكسان دەداتە سەرجەم عێراقییەكان دابەشبكرێت بە دەر لە شایستە داراییەكانی مووچەی فەرمانبەرانی هەرێم لە مەرجی خەرجییە فیعلییەكانی ماددەی 11ی یاسای بودجەی گشتی.
