پزیشكان لەبارەی ئارایشت و كەرەستەكانی جوانكارییەوە هۆشداری بە ژنان دەدەن و دەڵێن، “ماكیاژكردن مەترسیدارە”.
سووتان، هەستیاری و پەڵە دیارترین ئەو گرفتانەن كە كەرەستەكانی ئارایشتكردن دووچاری پێستیان دەكەن و بەپێی وتەی پزیشكانی بواری پێست و نەخۆشییەكانی، ئەگەرچی بەشێك لەو نیشانە و زیانانە كاتین، لەگەڵ ئەوەدا بەشێكیان كاریگەریی درێژخایەنیان هەیە و زیان بە پێست و چاو دەگەیەنن.
پسپۆڕان ئاماژە بۆ ئەوە دەكەن كە بەشێك لە كەرەستەكانی ئارایشت، هەروەها ماكیاژكردنی زۆر، پێستی رووخسار تووشی سووتانەوە و سووربوونەوە و خوران دەكەن و تەنانەت كەسەكە تووشی هەناسەتوندی و قژڕووتانەوە دەبێت.
پزیشكانی پسپۆڕی پێست ئامۆژگاریی خانمان دەكەن پێش بەكارھێنانی هەر كەرەستەیەكی ئارایشتكردن، دڵنیاببنەوە لە باشیی جۆرەكەی و بەسەرنەچوویی ماوەكەی، هەروەها بە هاوبەشی لەگەڵ كەسانی دیكەدا ئەو كەرەستە و پێداویستییانە بەكارنەهێنن.
