بەڕێوەبەرایەتیی پۆلیسی هەولێر دەستگیرکردنی تۆمەتباری کوشتنی گەنجێک لە قەزای خەبات و بریندارکردنی کەسێکی دیکەی لەسەر شوێنی راگرتنی ئۆتۆمبێل راگەیاند.
بەڕێوەبەرایەتیی پۆلیسی پارێزگای هەولێر ئەمڕۆ دووشەممە بڵاویکردەوە، “دوای بەدواداچوونێکی چڕ و وورد و چاودێریکردنێکی زۆر هێزەکانمان لە بەڕێوەبەرایەتیی پۆلیسی پارێزگای هەولێر شەوی رابردوو کاتژمێر11:30 خولەک تۆمەتبار (ک. ش. چ.) کە دوو رۆژ لەمەوبەر لە قەزای خەبات هەڵسابوو بەکوشتنی هاوڵاتییەک بە ناوی رێباز حەیدەر و بریندارکردنی فەرهاد ئەحمد، خۆی رادەستی هێزەکانمان لە بەڕێوەبەرایەتیی پۆلیسی پارێزگای هەولێر کرد”.
ئاماژەی بەوەش کرد، “تۆمەتبار پەڕاوی لێکۆڵینەوەی بۆ کراوەتەوە و رەوانەی بەردەم دادوەری لێکۆڵینەوە کرا بۆ ئەوەی رێڕەوی یاسایی بەرامبەر بگیرێتە بەر”.
