نۆ كەس كە رەگەزنامەی ساختەی بەریتانیایان پێبووە لە فڕۆكەخانەی نێودەوڵەتیی بەغداد دەستگیركران.
سەرچاوەیەكی ئەمنی رایگەیاند، شەوی رابردوو دوای گومانكردن لە رەگەزنامەكانیان، وردبینی بۆ رەگەزنامەی نۆ كەس كراوە و دەركەوتووە ساختەن.
بەپێی وتەی ئەو سەرچاوەیە كە قسەی بۆ میدیای فەرمیی عێراق كردووە، رەگەزنامە ساختەكان بەریتانی بوون و هێزە ئەمنییەكان ئەو نۆ كەسەیان لە فڕۆكەخانە دەستگیركردووە، بەبێ ئەوەی وردەكاریی زیاتر بخاتەڕوو.
