رۆژنامەنووسێكی ئیسرائیلی، داوای رفاندنی كوڕی بەرپرس و سەركردەكانی بزوتنەوەی “حەماس” دەكات.
تسفی یحزكالی پەیامنێری كەناڵی 13ـی ئیسرائیلییە، داوای لە هێزەكانی ئاسایشی وڵاتەكەی كردووە، كوڕی بەرپرس و سەركردەكانی بزوتنەوەی “حەماس” بڕفێندرێن و وەك دیل دەستبەسەربكرێن.
رۆژنامەنووسە ئیسرائیلییەكە، داواكارە كوڕی سەركردەكانی بزوتنەوەی “حەماس” وەك كارتی فشار بەكاربهێنرێن، لە بەرامبەر ئازادكردنی ئەو سەربازە ئیسرائیلییانەی كە بزوتنەوە فەڵەستینییەكە دیلیكردوون.
یحزكالی دەڵێت، “حكومەتی ئیسرائیل لە ئاست بەدیلگرتنی سەربازەكانی كاری پێویست و دروستی نەكردووە، تەنانەت هەوڵینەداوە كوڕانی گەورە بەرپرسانی بزوتنەوەی حەماس بڕفێنێت”.
