بەڕێوەبەرایەتیی گشتیی رێگاوبان و ئاوەدانكردنەوە و نیشتەجێكردنی سلێمانی بڵاویكردووەتەوە، سبەینێ كاتژمێر 3ی پاش نیوەڕۆتونێلی دەریەندیخان بە رووی شۆفێران و هاوڵاتییاندا دەكرێـتەوە.
بەپێی راگەیەندراوێكی بەڕێوەبەرایەتیی گشتیی رێگاوبان و ئاوەدانكردنەوە و نیشتەجێكردنی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، سبەینێ هەینی 15ی 12ی 2022 كاتژمێر 3ی پاش نیوەڕۆ تونێلی دەربەندیخان بە رووی شۆفێران و هاوڵاتییاندا دەكرێتەوە.
ئاماژە بۆ ئەوەش كراوە، تونێلەكە لەلایەن كەس و كاری قوربانییانی هاتوچۆ لە سنوورەكە دەكرێتەوە و هاوكات قائیمقامیەتی قەزای دەربەندیخان لە روونكردنەوەیەكیدا بڵاویكردووەتەوە، وەزیری ئاوەدانكردنەوە و نیشتەجێكردن قائیمقامی قەزای دەربەندیخانی راسپارد بە كردنەوەی تونێلی دەربەندیخان لەلایەن كەسوكاری قوربانییانی رووداوەكانی هاتوچۆی سنوورەكەوە.
