بەپێی راگەیەندراوێكی قائیمقامیەتی قەزای چەمچەماڵ كە وێنەیەكی دەست تۆڕی میدیایی ئێستا كەوتووە و تێیدا هاتووە، بیرێكی ئیرتیوازی لە رێگای وەزارەتی سامانە سروشتییەكان و لەلایەن كۆمپانیای كرسنت پترۆلیۆم/ دانەغاز لە تەكیەی جەباری لێدەدرێت و كێشەی بێئاوی لە ناوەندی ناحیەكە چارەسەر دەكات.
ئاماژە بۆ ئەوەش كراوە، لە ئێستادا دەستكراوە بە لێدانی بیرەكە بە مەبەستی چارەسەركردنی كێشەی بێئاوی لە سنوورەكە و لە داهاتووشدا هەوڵەكان بۆ چارەسەركردنی سەرجەم كێشەی خزمەتگوزارییەكان لە سنوورەكە بەردەوامدەبێت.
