دەزگای لوتکە بڵاویکردەوە، بەلەمێکی کۆچبەران لە ئاوی بەریتانیا ژێرئاوکەوت و تا ئێستا تەرمی سێ کەس دۆزراوەتەوە.
دەزگای لوتکە ئەمڕۆ چوارشەممە بڵاویکردەوە، “بەرەبەیانی ئەمڕۆ نزیکەی کاتژمێر 03:00 بە کاتی جیهانی لە کەناراوەکانی دونگنێس کە 30 میل لە رۆژئاوای دۆڤەرەوە دوورە بەلەمێکی ماسی گرتن کە لە فەرەنساوە بەڕێکەوتووە بەرەو بەریتانیا لە ئاوەکای بەریتانیا نوقم بووە، کە تا ئیستا 43 کۆچبەر رزگارکراون و تەرمی سێ کۆچبەریش دۆزراوەتەوە و ژمارەیەک کۆچبەریش بێسەرو شوێنن”.
ئاماژەی بەوەش کرد، ” شەوی سێشەممە پلەکانی گەرما لە بەریتانیا بۆ یەک پلەی سەدی دابەزیوە، بێگومان لە دەریادا ساردتر بووە، بە ئەگەرێکی زۆرەوە پێدەچێت بە هۆی ئەو سەرما زۆرەوە گرفت بۆ کۆچبەرەکان و بەلەمەکەش دروست بووبێت و هەر ئەمەش بوبێتە هۆی نقوم بوونی بەلەمەکەیان”.
ئاشکراشی کرد، “ئۆپەراسیۆنێکی گەورەی گەڕان و رزگارکردن لە ئاوەکانی نێوان کێنت و فەرەنسا لە بارودۆخی ئاوی بەستوودا دەستیپێکردووە”.
