بەرپرسێكی تیمی راوێژكارانی هێزەكانی هاوپەیمانان پرسە و سەرەخۆی بەهۆی شەهیدبوونی فەرماندە ئاكام عومەر رادەگەیەنێت.
کۆڵۆنێڵ خافێر سۆریا، جێگری سەرۆکی تیمی راوێژکارانی هێزەکانی هاوپەیمانان لە پەیامێكدا رایگەیاند، پرسە و سەرەخۆشی خۆم رادەگەیەنم بەهۆی لەدەستدانی کەسێکی تێکۆشەری لێهاتوو.
هەروەك هاوخەمی و پەیامی دڵنیایی و هێز بە كەسوكاری فەرماندەی شەهید و هێزەكانی 70ی پێشمەرگە دەگەیەنێت.
فەرماندە ئاکام عومەر فەرماندەی هێزەکانی کۆماندۆ كە لە 19ی تشرینی یەکەمی ئەمساڵ لەکاتی راپەڕاندنی ئەرکی رەسمیدا بۆ پاراستنی ئارامی و ئاسایش بە سەختی برینداربوو، ئێوارەی دوێنێ لە یەکێک لە نەخۆشخانەکانی ئەڵمانیا شەهیدبوو.
