کونسوڵخانەی ئەڵمانیا لە هەولێر پەیامێکی پرسە و سەرەخۆشیی بڵاوکردەوە و رایگەیاند، خەمبارین بۆ کۆچی دوایی ئاکام عومەر کە لە ئۆپەراسیۆنێکی دژی داعشدا برینداربوو.
لە پەیامەکەی کونسوڵخانەی ئەڵمانیادا هاتووە، ” ئێمە زۆر خەمباربووین بە مردنی ئاکام عومەر کە لە ئەڵمانیا چارەسەری وەردەگرت و کۆچی دوایی کرد لە دوای ئەوەی کە لە ئۆپەراسوێنێکی دژی داعشدا بە سەختی برینداربوو”.
ئاماژە بەوەکراوە، “سەرەخۆشیی خۆمان ئاراستەی خانەوادەکەی و هاوڕێکانی دەکەین و ئەڵمانیا سوورە لەسەر بەردەوامبوونی لە رووبەڕووبوونەوەی داعشدا”.
