دوو كەس كە برای یەكدین و بە مەبەستی هاوردەكردنی ئاژەڵ روویان لە ئێران كردووە، لە چیای قەندیل كەوتنەخوارەوە و گیانیان لەدەستدا.
سەرباز و کامەران كە دانیشتووی هەردوو ناحیەی چوارقوڕنە و سەنگەسەرن، لە كاتی هەوڵدانیان بۆ خۆڕزگاركردن لە هێزێكی پاسەوانی سنووری ئێران، لە چیای قەندیل كەوتوونەتە خوارەوە و گیانیان لەدەستداوە.
هەردوو براكە خێزاندارن و كامەران باوكی پێنج منداڵە كە یەكێكیان تەمەنی 10 رۆژە.
پەیامنێری تۆڕی میدیایی ئێستا رایگەیاند، تەرمی هەردوو براكە هێنراونەتەوە و بڕیارە پاش كەمێكی دیكە بگەیەندرێن بە پزیشكیی دادیی رانیە.
