لێزمەباران توركیای گرتەوە و باران هێند بەخوڕ باریوە كەشناسیی ئەو وڵاتە دەڵێت، بێوێنەیە لە ماوەی 50 ساڵی رابردوودا.
شەوی رابردوو بەهۆی لێزمەبارانەوە لافاو چەندین ناوچەی توركیای گرتەوە و ئاو شەقامەكانی داپۆشیوە و چەندین ئۆتۆمبێلی لەگەڵ خۆیدا بردووە.
ترۆپكی لێزمەبارانەكە لە ئەنتاڵیا بووە و لافاو چەند نهۆمێكی باڵەخانەكانی گرتووەتەوە و لە جۆگە و رووبارە بچووكەكانەوە، ئاوێكی زۆر رژاوەتە شارەكەوە و ژمارەیەك ئۆتۆمبێلی لەگەڵ خۆیدا بردووە و بەشێك لە دانیشتووان ئاوارەبوون.
بەهۆی لافاوەكەوە، دەوامی خوێندنگەكان راگیرا و دەسەڵاتدارانی ناوچەكە بە میدیای وڵاتەكەیانیان راگەیاندووە، ماوەی 50 ساڵە باران و لافاوی لەو جۆرەیان نەبینیوە و ئاو هەموو شتێكی داپۆشیوە.
Přívalové deště zaplavily letovisko Antalya v Turecku.
Voda v ulicích odnáší auta, částečně vypadává elektřina, jsou zavřené školy. pic.twitter.com/AHGwVConUN
— Martin (@Qope87) December 12, 2022
