دوای ئەوەی دوێنی شەممە منداڵێک لەکاتی یاریکردن بە پەتێک لە ملی ئاڵا و دۆخی تەندروستیی تێکچوو و ئەمڕۆ لە نەخۆشخانە گیانیلەدەستدا.
گەنجێک بە ناوی رێکار کە ئامۆزای منداڵەکەیە، بە تۆڕی میدیایی ئێستای راگەیاند، “دوێنێ شەممە خوشکی ئەو منداڵە نەخۆش بووە و دایکی بردوویەتییە نەخۆشخانە، لەو کاتەدا منداڵەکە لە خوێندنگە گەڕاوەتەوە وبەتەنها لەماڵەوە بووە یاری بەو پەتە کردووە کە سۆندەی ئاوی موغەزی خوشکەکەی پێبەستراوەتەوە”.
ئاماژەی بەوەش کرد، “پەتەکە لە ملی منداڵەکە گیربووە و لەبەرئەوەی بەتەنها لەماڵەوە بووە نەیتوانیوە بیکاتەوە، تا ئەو کاتەی دایکی گەڕاوەتەوە و بەپەلە گەیاندوویەتییە نەخۆشخانە”.
باسی لەوەش کرد، “منداڵەکە تەمەنی 11 ساڵان بووە و خوێندکار بووە، بەهۆی نەمانی ئۆکسیجینەوە مێشکی لەکارکەوتبوو، بەڵام دڵی بە رێژەی 30% کاری دەکرد، تا ئەمڕۆ گیانی لەدەستدا”.
