لە دوای رەزامەندنی سەرۆکایەتیی ئەنجومەنی وەزیران بۆ دامەزراندنی 22 کارمەند بەشێوەی گرێبەست بۆ ماڵەکانی سەر بە بەڕێوەبەرایەتیی چاودێری کۆمەلایەتیی سلێمانی لینکی فۆرمی دامەزراندنەکە کاراکرا.
بەڕێوەبەرایەتیی چاودێریی کۆمەڵایەتی سلێمانی بڵاویکردەوە، “پاش وەرگرتنی ڕەزامەندی سەرۆکایەتی ئەنجومەنی وەزیران بۆ دامەزراندنی 22 کارمەند بۆ ماڵەکانی چاودێریی کۆمەڵایەتی سلێمانی، بەڕێوەبەرایەتی گشتی چاودێری و گەشەپێدانی کۆمەڵایەتی لە پارێزگای سلێمانی لینکی فۆڕمی دامەزراندن بۆ ماڵەکانی سەر بە بەڕێوەبەرایەتی چاودێری کۆمەڵایەتی سلێمانی کارا کرد”.
ئاماژەی بەوەش کرد، “پڕۆسەی پركردنەوەی فۆرم بەچەند قۆناغێک دەبێت لە قۆناغی یەکەم بەشێوەی ئۆنلاین تەنها دوو هەزار و 200 بەشداربوو دەتوانن فۆڕم پڕبکەنەوە ولە پاشان پڕۆسەکە دەوەستێت، لە قۆناغی دووەم 220 کەس لەوانەی فۆڕمەکەیان پڕکردۆتەوە بەپێی خاڵبەندی جیادەکرێنەوە و لەقۆناغی سێهەم 22 کەس بەشێوەی کێبڕکێی سیڤی و چاوپێکەوتن لەڕێگەی لیژنەیەکی پسپۆڕ دیاری دەکرێن”.
ئاشکراشی کرد، “لەو 22 کەسەی بەڕێوەبەرایەتییەکە داوای کردووە، توێژەری کۆمەڵایەتی شەش کەس، توێژەری دەروونی شەش کەس، چاودێر،هەڵگری بڕوانامەی(دبلۆم،ئامادەیی،بنەڕەتی) 10 کەسن.
