رووداوێكی ئاگركەوتنەوە لە خێوەتێكی ئاوارەبووانی كامپی ئاشتی لە عەربەت گیانلەدەستدانی منداڵێكی دوو ساڵانی لێكەوتەوە.
ئارام عەلی، وتەبێژی بەڕێوەبەرایەتیی بەرگریی شارستانیی سلێمانی بە تۆڕی میدیایی ئێستای راگەیاند، رووداوەكە دوێنێ بەهۆی شۆرتی كارەباوە لە خێوەتی خێزانێكی كامپەكە روویداوە.
وتیشی، “خێوەتەكە بە تەواوی سووتاوە و بەهۆیەوە منداڵێكی تەمەن نزیكەی دوو ساڵان گیانیلەدەستدا”.
كامپی ئاشتی لە ناحیەی عەربەتی سەر بە پارێزگای سلێمانیە، نزیكەی هەزار و 855 خێزانی ئاوارەی پارێزگاكانی سەڵاحەدین، شەنگال و نەینەوای تێدایە.
لە تەمموزی ساڵی رابردووش رووداوێكی هاوشێوە لە كامپەكە روویدا و بەهۆیەوە بەهەمان شێوە منداڵێك گیانیلەدەستدا.
