سەرۆكی هەنگاریا گەیشتە هەولێر و بڕیارە لەگەڵ بەرپرسانی هەرێمی كوردستاندا كۆببێتەوە.
بەیانی ئەمڕۆ هەینی، كاتالین نۆڤاك سەرۆكی هەنگاریا بەسەردانێك گەیشتە بەغداد و لەگەڵ د. لەتیف رەشید سەرۆك كۆماری عێراقدا كۆبووەوە و دواتر بەڕێكەوت بۆ هەرێمی كوردستان و كەمێك پێش ئێستا گەیشتە فڕۆكەخانەی نێودەوڵەتیی هەولێر و لەلایەن نێچیرڤان بارزانی سەرۆكی هەرێمی كوردستانەوە پێشوازی لێدەكرێت.
بڕیارە سەرۆكی هەنگاریا لە ماوەی مانەوەیدا زنجیرەیەك دیدار و كۆبوونەوە لەگەڵ بەرپرسانی هەرێمی كوردستاندا ئەنجامبدات.
