توێژینەوەیەکی پزیشکیی نوێ دەڵێت، لە رێگەی تەكنەلۆژیاوە دەتوانیت پێشوەختە بزانیت دڵت نەخۆش دەكەوێت.
بەپێی توێژینەوەیەکی پزیشکی، لە رێگەی پرۆگرامێکەوە کە پشت بە زیرەکیی دەستکرد دەبەستێت و لێکدانەوە بۆ وێنەی تیشکی “X ray” دەكات، مەترسییەکانی تووشبوون بە نەخۆشیی دڵ بەر لە سەرهەڵدانی نەخۆشییەكان ئاشکرادەکرێن.
ئەنجامی توێژینەوەكە لە رۆژنامەی دەیلی مەیڵی بەریتانیدا بڵاوکراوەتەوە و ئاشكرایكردووە، پرۆگرامەکە نەخۆشی و گرفتەكان لە ماسوولکەکانی دڵ و توانا و چالاکییان و ئەگەری تووشبوونی دڵ بە جەڵتە لە داهاتوودا دیاریدەكات.
ئەو ماوەیەی كە بەر لە تووشبوونی دڵ بە نەخۆشی پێشبینیدەكرێت، بریتییە لە 10 ساڵ و توێژینەوەکە روونیدەكاتەوە، بەهۆى ئەو پشکنینەوە، دەتوانرێت ئاماژەکانى تووشبوونی مرۆڤ بە نەخۆشییەکانی دڵ لە 10 ساڵی داهاتوودا ئاشكرابكرێن.
