ئەمڕۆ لە شاری ئیستانبوڵی تورکیا رووداوێکی هاتوچۆ لە نێوان پاسێک و میترۆیەک روویدا و دەیان کەس برینداربوون.
لە گرتە ڤیدیۆیەکدا کە لە لایەن میدیاکانی تورکیاوە بڵاوکراوەتەوە دەردەکەوێت، میترۆیەک لەسەر هێڵی سەرەکی خۆی لادەدات و خۆی دەکێشێت بە پاسێکی نەفەرهەڵگردا و لەو کاتەشدا پاسەکە بەر ژمارەیەک ئۆتۆمبێلی دیکە دەکەوێت.
لە ئەنجامی رووداوەکەی ئەمڕۆی ئیستانبوڵ 33 کەس برینداربوون کە برینی ژمارەیەکیان سەختە.
لە دوای رووداوەکە داواکاری گشتیی ئیستانبوڵ لەگەڵ دەزگا ئەمنییەکانی شارەکە دەستیان بە لێکۆڵینەوەکانیان کرد لە رووداوەکە و هەردوو شۆفێری میترۆکە و پاسەکە وەک تۆمەتبار دەستنیشانکراون و لە نەخۆشخانە دەستبەسەرکراون.
هاوکات بە پێی ئەو زانیاریانەی بەشێک لە میدیاکان بڵاوکراوەتەوە، ماوەی یەک هەفتەیە ترافیک لایتی شوێنی رووداوەکە لەکارکەوتووە و چاکنەکراوەتەوە، هەر ئەمەش هۆکاری رووداوەکە بووە.
İstanbul’da tramvayın İETT otobüsüne çarptığı an güvenlik kameralarınca kaydedildi https://t.co/vaO4Q1Ofti pic.twitter.com/ZdpB3gxK75
— ANADOLU AJANSI (@anadoluajansi) December 5, 2022
