سەرۆكایەتیی شارەوانیی سلێمانی رایدەگەیەنێت، هەڵمەتێك بۆ لابردنی زیادەڕۆییەكانی دوكانداران و فرۆشیارانی گەڕەكی خەبات و شەقامی سەرەكیی گەڕەكی سەروەری ئەنجامدرا.
بەپێی راگەیەندراوێكی سەرۆكایەتیی شارەوانیی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، “لە چوارچێوەی هەڵمەتە بەردەوامەكان بۆ بنبڕكردنی زیادەڕۆییكردنە سەر شۆستە و شەقامەكان كە بۆ خزمەتی هاوڵاتییان دروستكراوە بە پێی یاسا زیادەڕۆییەکان لادەبرێن”.
لە راگەیەندراوەكەدا هاتووە، لە هەڵمەتی ئەمڕۆدا زیادەڕۆییەكانی دوكانداران و فرۆشیارانی گەڕەكی خەبات و شەقامی سەرەكیی گەڕەكی سەروەری لابران كە هەڵمەتەكە بە هاوكاریی بەشی پۆلیسی شارەوانی ئەنجامدراوە.
