دادوەر وائیل عەبدوللەتیف رایگەیاند، مەرجەعیەتی باڵای شیعەکان دەرگای بەڕووی سەرجەم سیاسییەکاندا داخستووە بەهۆی ئەو گەندەڵییانەی لە عێراقدا هەیە.
دادوەر وائیل عەبدوللەتیف لە نوێترین لێدوانیدا رایگەیاند، “ئەو دزیانەی لەم ماوەیەدا بۆ گەلی عێراق ئاشکراکرا، بەشێکی سادەی ئەو دزیانەیە لە ماوەی چەند ساڵی رابردوودا لە عێراق کراون”.
ئاماژەی بەوەش کرد، “بەشێک لەو کەسانەی لەبواری دەستپاکی لە ماوەی رابردوودا کاریان کردووە، یان عێراقیان جێهێشتووە یان وڵاتیان جێهێشتووە، ئەمەش بەڵگەیە لەسەرئەوەی دەستپاکی رووبەڕووی فشاری زۆر دەبێتەوە لەلایەن سیاسییە گەندەڵەکانەوە”.
ئاشکراشی کرد، “بەهۆی ئەو گەندەڵی و خراپی بەڕێوەبردنانەی لە عێراقدا هەیە، مەرجەعیەتی باڵای شیعەکان دەرگای بەڕووی سەرجەم سیاسییەکاندا داخستووە”.
