فەرماندەیی ناوەندیی ئەمریكا روونیدەكاتەوە، كوژرانی سەركردەكەی داعش لە تشرینی یەكەمی رابردوودا بووە.
فەرماندەیی ناوەندیی هێزەكانی ئەمریكا رایگەیاند، كوژرانی ئەبو حەسەن هاشمی قوڕەیشی سەركردەی داعش لە ناوەڕاستی مانگی تشرینی یەكەمی رابردوودا بووە.
دوێنێ لە تۆمارێكی دەنگیدا كە لە كەناڵی (داعش) لە تیلیگرام بڵاوكرایەوە، رێكخراوەكە سەرەڕای داننان بە كوژرانی قوڕەیشی، دیاریكردنی ئەبو حسێن قوڕەیشی وەك سەركردەی نوێ ئاشكراكرد.
هیچكام لە واشنتن و داعش چۆنیەتی كوژرانی سەركردەكەی داعشیان ئاشكرانەكردووە.
ئەبو حەسەن هاشمی قوڕەیشی دوای كوژرانی ئەبو ئیبراهیم هاشمی ئەلقوڕەیشی سەركردەكەی ئەوكاتی داعش لە 3ی شوباتی رابردوودا وەك سەركردەی رێكخراوە پەرگیرەكە دەستنیشانكرا.
