بە بڕیارێكی دەسەڵاتی فڕۆكەوانیی شارستانیی عێراق مەرجی بوونی بەڵگەنامەی وەرگرتنی ڤاكسین یان پشكنینی ڤایرۆسی كۆرۆنا هەڵوەشێندرایەوە.
فڕۆکەخانەی نێودەوڵەتیی سلێمانی رایگەیاند، لە رێنماییەکی نوێدا (دەسەڵاتی فڕۆکەوانیی شارستانیی عێراقی) سەرجەم گەشتیارانی (عێراقی و بیانی) و هێڵە ئاسمانیەکان ئاگاداردەکاتەوە لە رێکەوتی (2022/12/1)ەوە لەکاتی گەشتکردنی (هاتن و رۆیشتن) لە فڕۆکەخانەکانی عێراق پێویستیان بە هیچ بەڵگەنامەیەکی ڤاکسین یاخود پشکنینی ڤایرۆسی کۆرۆنا نابێت.
