بانكی دەربەندیخان لە راگەیەندراوێكدا شێوازێكی نوێ بۆ پێدانی مووچە پەیڕەودەكات و مووچەخۆران ئاگاداردەكاتەوە.
لە راگەیەندراوەكەی بانكی دەربەندیخاندا هاتووە، لەبەر بەرژەوەندیی گشتی بۆ دروستنەبوونی پاڵەپەستۆ و قەرەباڵغی و روونەدانی حاڵەتی نەخوازراو، بەم شێوەیەمووچە دابەشدەكرێت.
-رۆژی یەكشەممە 2025/1/5 مووچەی خانەنشینی شارستانی دابەشدەكرێت(هەردوو وەجبەكە).
-رۆژی دووشەممە 2025/1/6 مووچەی كەسوكاری شەهیدان و ئەنفالكراوان و مووچەی خاوەنپێداویستیی تایبەت دابەشدەكرێت.
-رۆژی سێشەمە 2025/1/7 مووچەی خانەنشینیی پێشمەرگە دێرینەكان و خانەنشینی ئەیلول دابەشدەكرێت.
بانكەكە ئاماژەی بۆ ئەوەش كردووە، لەسەر داوای پاسەوانەكانی بانك داواكارین لە هەمووان كە شەوان یان ئێواران ناسنامە دانەنێن و نەیەن بۆ بانك و رۆژی مووچە هەركەس ناوی خوێندراوە و ئامادەنەبوو دووبارە دەخرێتە سەرەوە.
