لەمشەوەوە نمەباران دەستپێدەكات و سبەینێ شەپۆلی باران سەرجەم ناوچەكانی هەرێم دەگرێتەوە، وەك ئەوەی كەشناسیی هەرێم ئاماژەی پێداوە.
بەڕێوەبەرایەتیی گشتیی كەشناسی و بومەلەرزەزانی هەرێم رایگەیاند، پێشبینى دەکرێت ئەمشەو ئاسمانى هەرێم هەور بێت، لەگەڵ بارینى نمەباران بەتایبەت لە ناوچە شاخاوییەکان.
بەڵام لە کاتەکانى بەیانى زوودا شەپۆلێ بارانبارین شۆڕدەبێتەوە و سەرجەم ناوچەکانى هەرێم دەگرێتەوە، وەك ئەوەی كەشناسی دەیڵێت.
ئاماژەی بەوەشكرد، پێشبینى دەکرێت رێژەی بارانبارین لە ناوچە شاخاوییەکانى دهۆک و ئیدارەى سۆران و بەشێک لە ناوچە شاخاوییەکانى راپەڕین زیاتر بێت، هەندێك كات هەورەتریشقەشی لەگەڵدا دەبێت.
كەشناسیی هەرێم ئەوەشی خستەڕوو، لەسەر لوتكەی شاخە سنوورییەكان بەفر دەبارێت.
